Хүлээгдэж буй үр дүн:

• Тодорхойлсон түвшний, орон нутгийн төрийн албан хаагчдын төлөөллийг биеэр болон цахимаар чиглүүлэгтэйгээр, үр дүнтэй оролцуулсан байх
• Орон нутгийн төрийн албан хаагчдад тулгамддаг онцлог асуудлуудыг тусгасан, тэдний санал, хүсэлтийг шингээсэн богино хугацааны, ирээдүйд чиглэсэн, жишиг сургалтын хөтөлбөрийн концепци (агуулгын сэдэв, сургалт зохион байгуулах формат г.м)-г боловсруулан, зөвлөмж гаргах
• Шийдэл, санаачилгыг гаргасан талууд цаашдын үйл ажиллагаандаа дээрх санал, зөвлөмжийг тусгах

Орон нутгийн төрийн албан хаагчдад тулгамддаг онцлог асуудлуудыг тусгасан, тэдний санал, хүсэлтийг шингээсэн богино хугацааны, ирээдүйд чиглэсэн, жишиг сургалтын хөтөлбөрийн концепци (агуулгын сэдэв, сургалт зохион байгуулах формат г.м)-г сайжруулахад саналаа өгнө үү.

Дархан - Уул аймгийн төрийн албан хаагчид (ТАХ), тухайлбал аймгийн Засаг даргын тамгын газар, Хөдөлмөр, халамжийн үйлчилгээний ерөнхий газар, Нийгмийн даатгалын хэлтэс болон бусад нэгжийн төлөөлөл нэг сарын хугацаанд тус хорооны Ажлын Албаны чиглүүлэг дор "хүн төвтэй дизайн сэтгэлгээ"-ний аргачлалыг ашиглан 300 орчим ТАХ-ын бодит эрэлт хэрэгцээн дээр үндэслэн ирээдүйд чиглэсэн, богино хугацааны сургалтын жишиг хөтөлбөрийн агуулга, форматын саналыг өөрсдөө боловсрууллаа.

Улмаар жишиг хөтөлбөрийн саналаа Засгийн Газрын хүний нөөцийн газар болон нийт 21 аймгийн төрийн албан хаагчдад танилцуулан, зөвлөлдөх уулзалтыг тус хорооны Ажлын албанаас зохион байгууллаа.